Больш за дзесяць гадоў таму яны зняліся ў фінальным эпізодзе серыяла «Сябры» і вось зараз павінны ўсе сустрэцца зноў на адной здымачнай пляцоўцы. Джэніфер Эністан, Мэт Леблан, Кортні Кокс, Дэвід Швімэр, Ліза Кудроў і Мэттью Пэры збяруцца разам, каб зняцца ў спецыяльнай серыі, прысвечанай юбілею творчай дзейнасці рэжысёра 15 эпізодаў серыяла, вядомага ў Галівудзе хіт-мейкера Джэймса Барроуз.
Нядаўна Барроуз скончыў здымкі 1000-га эпізоду сіткама ў сваёй кар'еры, што і мае намер адзначыць тэлеканал NBC, задумаўшы зняць у гонар гэтай падзеі спецыяльную серыю «Сяброў». Прадзюсары ўпэўненыя, што ім удасца сабраць усіх шасцярых дзеючых асоб серыяла разам. «Думаю, мы выдатна правядзем час», - паспеў напісаць у сябе ў «Твітэры» акцёр Мэт Леблан. Фанаты серыяла, пачуўшы пра гэта, вельмі ўзрадаваліся, заявіўшы, што ўжо чакаюць спецыяльную серыю сіткама з нецярпеннем.
За ўвесь час пасля заканчэння серыяла ў 2004 годзе яго акцёры ні разу не сустракаліся разам нават для таго, каб проста паабедаць. «Мы столькі разоў планавалі, але ў нас нічога не атрымалася», - распавяла прыхільнікам Ліза Кудроў. А пра тое, каб згуляць зноў ролю сваёй гераіні Фібі, Ліза неяк выказалася, што ёй ужо перашкодзіць гэта зрабіць яе ўзрост. «Мне здаецца, што здымаць працяг гэтай гісторыі не варта. Праз дзесяць гадоў гэтыя людзі ўсе павінны адбыцца, як бацькі, а гэта ўжо больш не будуць «Сябры», - падзялілася Ліза Кудроў.